Aschi Rüegsegger, Eggiwil

Är schwygt o denn nid, wenn är gar nüüt z säge het.

dr Aschi het es chlyyses Heimetli mit füf Chuehli, drü Geissli und e Hund.

Wüll är im Winter chly weniger z tüe het, geit är öppe einisch am Leu Pesche ga hälfe. Aber eigentlech het är kei Ahnig vo Kultur. Für ihn sy alli, wo so uf de Bühnine obe dr Pajass mache (wie är seit) kuurlegi Lüt. Henu.

Und glyych git's gäng wider Lüt, wo ne yylade. Zu Geburtstage, Hochzyt, Firmealäss usw. Öppe einisch hei ne Gmeinde sogar scho als Erscht-Ouguscht-Redner yyglade...